| سلام آ باد ( نیو زرپورٹر) چیئرمین سی ڈی اے محمد علی رندھاوا نے ہدایت دی ہے کہ ایف ایٹ انٹرچینج منصوبے کے افتتاح کی تیاریوں کو جلدمکمل کیا جائے۔ ایف ٹین راؤنڈ اباؤٹ پر جاری تعمیراتی کاموں کو بھی ایف ایٹ انٹرچینج منصوبے کی تکمیل کے ساتھ ہی مکمل کیا جائے۔ منصوبے کے اطراف تمام بیوٹیفکیشن کے کام کو جلد از جلد مکمل کیا جائے۔ انہوں نے یہ ہدایت گزشتہ روز ممبر انجینئرنگ اور متعلقہ افسران کے ہمراہ ایف ایٹ انٹرچینج منصوبے کے دورہ کے دوران دی ۔چیئرمین سی ڈی اے نے لین مارکنگ، سافٹ لینڈ سکیپنگ، لائٹس کی تنصیب، سٹار پولز، سائینج بورڈ سمیت دیگر تعمیراتی سرگرمیوں کا بھی معائنہ کیا اور ہدایت کی کہ منصوبے کے چاروں اطراف صفائی ستھرائی کے کاموں کو بھی ساتھ ساتھ مکمل کیا جائے۔چیئرمین کو بریفننگ دیتے ہوئے بتایا گیا کہ ایف ایٹ انٹرچینج منصوبے کے اسفالٹ بیس کا کام مکمل کرلیا گیا ہے جبکہ اسفالٹ وئیرنگ کا کام تکمیلی مراحل میں داخل ہے۔ ایف ایٹ انٹرچینج چوک پر نصب فلیگ پول کی اونچائی میں مزید اضافے کر دیا گیا ہے اور پراجیکٹ میں شامل انڈر پاس کی ایگزٹ لوپ سے منسلک لین کو مختلف رنگ میں تبدیل کیا جارہا ہے. ایگزٹ لوپ کی لین کے رنگ کو تبدیل کرنے سے ٹریفک کے بہاؤ اور ٹریفک کو لین بدلنے میں آسانی ہو جائے گی۔ چیئرمین نے ا س موقع پر کہا کہ منصوبے کی تکمیل سے شہر میں ٹریفک کا دیرینہ مسئلہ حل ہونے کے ساتھ شہریوں کو سگنل فری سہولیات میسر ہونگی۔
|
|
