| سلام آباد(نمائندہ خصوصی) اسلام آباد کا ایک اور منصوبہ تیز رفتاری سے تکمیل کے قریب، سرینا چوک انٹرچینج پراجیکٹ کے دو انڈر پاسز کی فنشنگ اور اسفالٹ کا کام تیزی سے جاری ہے۔ وفاقی وزیرداخلہ محسن نقوی نے سرینا چوک انٹرچینج پراجیکٹ کا دورہ کیا۔ وفاقی وزیرداخلہ محسن نقوی نے 4 فروری کو پراجیکٹ کے افتتاح کا اعلان کرتے ہدایت کی کہ فنشنگ ورک کو برق رفتاری سے مکمل کیا جائے۔ انہوں نے کہا کہ پراجیکٹ کے اطراف خوبصورت ہارٹیکلچر اور دیدہ زیب لائٹس نصب کی جائیں، رابطہ سڑکوں کی تعمیر کا کام بھی تیزی سے مکمل کیا جائے گا۔ محسن نقوی نے کہا کہ فلاح عامہ کا منصوبہ سرینا چوک انٹرچینج پراجیکٹ 3 انڈر پاسز پر مشتمل ہے، ایک انڈر پاس پہلے ہی مکمل کرکے ٹریفک کے لئے کھول دیا گیا ہے۔ وزیر داخلہ نے بیوٹیفیکشن ورک کا بھی جائزہ لیا۔ انہوں نے کہا کہ پراجیکٹ کی تکمیل سے اسلام آباد شہر کے ٹریفک کا دیرینہ مسئلہ حل ہوگا، چئیرمین سی ڈی اے محمد علی رندھاوا نے پراجیکٹ پر پیش رفت کے بارے بریفنگ دی۔ وفاقی سیکرٹری داخلہ خرم علی آغا اور متعلقہ حکام بھی اس موقع پر موجود تھے۔
|
|
