| نئی دہلی(مانیٹرنگ ڈیسک)امریکی نشریاتی ادارے نے دنیا کےطاقتورترین ممالک کی فہرست جاری کی ہے جس میںامریکا سرفہرست جبکہ چین دوسرے ‘ روس تیسرے ‘جرمنی چوتھے اور برطانیہ پانچویں نمبر پر ہے ۔یہ فہرست ملکی قیادت ‘ معاشی ‘سیاسی اثرورسوخ ‘طاقتورفوج اور عالمی اتحادوں کے ساتھ مضبوط وابستگی کی بنیاد پر مرتب کی گئی ہے ۔اس لسٹ میں جنوبی کوریا 6‘فرانس 7‘ جاپان 8‘ سعودی عرب 9جبکہ متحدہ عرب امارات 10ویں نمبر پر براجمان ہے ۔فہرست کے مطابق اسرائیل کو دنیا کا 11واں‘بھارت کو 12واں ‘کینیڈا 13واں‘یوکرین 14‘ترکی 15‘اٹلی 16‘آسٹریلیا 17‘ایران 18‘برازیل 19اور اسپین کو 20واں طاقتور ترین ملک قراردیاگیاہے ۔رپورٹ کے مطابق مارچ 2024ءتک امریکا کی جی ڈی پی 27.97ٹریلین ڈالر ہے جبکہ چین کی 18.56‘ روس 1.90‘جرمنی 4.70‘برطانیہ کی 3.59 ٹریلین ڈالر ہے ۔اسرائیل کی جی ڈی پی 522ارب ڈالر اور فی کس آمدنی ساڑھے 49ہزار ڈالر جبکہ انڈیا کی جی ڈی پی 3.39ٹریلین ڈالر اور فی کس آمدنی8379ڈالر ہے ۔طاقتورترین ممالک کی فہرست میں389ارب ڈالر جی ڈی پی اور 18075ڈالر فی کس آمدنی کے ساتھ 18ویں نمبر پر ایران براجمان ہے ۔فہرست میں بنگلہ دیش 40ویں نمبر پر ہے جس کی جی ڈی پی 460ارب ڈالر اور فی کس آمدنی 7395ڈالر ہے ۔ سری لنکا 53درجے پر ہے ۔اس کی جی ڈی پی 74.4ارب ڈالر جبکہ فی کس آمدنی 14405ڈالر ہے ۔ |
|
