|
اسلام آباد(نیوز رپورٹر)سی ڈی اے نے ایک نئی ویب سائٹ لانچ کر دی ۔ اس سلسلے میں جمعہ کو تقریب کا انعقاد کیا گیا۔اس موقع پر چیئرمین سی ڈی اے کیپٹن (ر) انوار الحق نے کہا کہ ویب سائٹ کا اجراء ڈیجیٹلائزیشن کی جانب ایک اہم قدم ہے۔ انہوں نے کہا کہ زمین اور ریاست کے ریکارڈ کو بھی ڈیجیٹل کیا جا رہا ہے- سی ڈی اے الاٹمنٹ اور ٹرانسفر لیٹر جاری کرنے کے لئے محفوظ کاغذ متعارف کروا رہا ہے۔ پہلی بار تمام درختوں اور پودوں کے ڈیٹا کو بھی فیلڈ فورس اور سیٹلائٹ امیجری کی مدد سے ڈیجیٹلائز کیا جائے گاجس کے تحت درختوں اور پودوں کے ڈیٹا کے ساتھ بنجر اراضی کی نشاندہی کی جا سکے گی تاکہ اسلام آباد کی زمین کو غیر قانونی تعمیرات سے پاک رکھا جا سکے۔واضح رہے کہ ویب سائٹ چند روز میں مکمل طور پر فعال ہو جائے گی۔ نئی ویب سائٹ میں سی ڈی اے کی تمام خدمات آن لائن فراہم کی جائیں گی۔
|
|
