|
راولپنڈی (خبر نگار خصوصی) سیکرٹری وزارتِ دفاع لیفٹیننٹ جنرل (ر) حمود الزمان خان نے راولپنڈی صدر میں"زیرزمین کیبلنگ پراجیکٹ" کی زمین کُشائی کی۔ تقریب میں کورکمانڈرراولپنڈ ی لیفٹیننٹ جنرل شاہدامتیاز، ڈی جی ایم ایل اینڈ سی میجر جنرل عرفان احمد ملک ، ڈائریکٹرراولپنڈی ریجن عامر مسعود خان ، پریزیڈنٹ و اسٹیشن کمانڈر بریگیڈئراحمد نواز ، کمشنر راولپنڈی ،وائس پریزیڈنٹ ملک منیر ،ایگزیکٹوآفیسر راولپنڈی کینٹ سید علی عرفان رضوی، انجمن شہریان کے صدر زاہد بختاوری و دیگر شریک ہوئے۔ سی ای او راولپنڈی کینٹ بورڈسید علی عرفان رضوی کا کہنا تھا کہ85 کروڑ روپے پراجیکٹ پر لاگت آئے گی جس میں 76 کروڑ آئیسکو برقی آلات کی مد میں خرچ کرے گی اور9 کروڑ کا سول ورکس راولپنڈی کنٹونمنٹ بورڈ کرے گا۔انہوں نے کہاکہ کنٹونمنٹ بورڈ نے بر قی آلات کی مدمیں آئیسکو کو 75کر وڑدے دیئے ہیں ۔
|
|
