| راچی (اسٹاف رپورٹر) ادارہ ترقیات کراچی میں مزید بہتری کی گنجائش موجود ہے، تمام افسران و ملازمین اپنی ذمہ داریاں بخوبی ادا کررہے ہیں، ضروری ہے کہ ہم اس دور کے تقاضوں کو دیکھیں اور ادارہ کی ترقی اور کامرانی کے صحیح راستوں کا تعین کریں،شہر کراچی کی ترقی میں نہ صرف 90 فیصد سے کے ڈی اے نے کلیدی کردار ادا کیا بلکہ شہریوں کو بنیادی سہولتیں فراہم کرنے میں بھی ادارہ ترقیات کراچی پیش پیش رہا ہے،ان خیالات کا اظہار ڈائریکٹر جنرل ادارہ ترقیات کراچی نوید انور نے شعبہ تعلقات عامہ میں آرٹ گیلری کا افتتاح کرتے ہوئے کیا، ڈی جی نے کہا کہ کراچی ڈیولپمنٹ اتھارٹی میں شعبہ تعلقات عامہ ریڑھ کی ہڈی کی مانند ہے، سول سوسائٹی اور عام صارفین کو مثبت اقدامات کی آگاہی اور ادارہ کی ترجمانی بھی پبلک ریلیشنز ڈپارٹمنٹ انجام دیتا ہے۔
|
|
