| راولپنڈی(راحت منیر/اپنے رپورٹرسے) رنگ روڈ منصوبہ کیلئے لینڈ ایکوزیشن کے سلسلے میں گوجرخان کے بعد راولپنڈی تحصیل صدر کے دس موضع جات کےلئے بھی ایوارڈ کا اعلان کردیا گیا۔باخبر ذرائع کے مطابق راولپنڈی کے جن دس موضع جات کے ایوارڈ کا اعلان کیا گیا ہے ان میں لوسر، کلیام مغل،تیمررتیال،بسالی،نوتھیا بنیان،ڈھکی کلاں،جٹھہ ہتھیال،میرا موہڑہ،مندال اور چھپر شامل ہیں جن کی1484کنال12مرلہ اراضی رنگ روڈ میں آرہی ہے۔ ان کی قیمت کا تعین 38 کروڑ42لاکھ38ہزار 4سو روپے کیا گیا ہےجس میں زمین کی قیمت کے علاوہ سٹرکچرز کی قیمت13 کروڑ19لاکھ47ہزار 720روپے، درختوں کا معاوضہ16لاکھ 93ہزار 7سو روپے ،لازمی 15 فیصد ایکوزیشن چارجز5کروڑ76لاکھ35 ہزار 760روپے بھی شامل ہیں۔گوجرخان کے بانٹھ، کلیام اعوان،جھلیاری بائی خان،چمبہ پاپین، ہردو جاگی،بھگوال،درگئی،موہڑہ مہر بخش اور قطب فیروزال کی720کنال 4مرلہ اراضی رنگ روڈ میں لی گئی ہےجس کی قیمت کا تعین36کروڑ2لاکھ11ہزار618روپے کیا گیا ہےاورمالکان کو ادائیگیاں جار ی ہیں |
|
