|
راولپنڈی(راحت منیر/اپنے رپورٹرسے) رنگ روڈ منصوبہ کیلئے تحصیل گوجرخان میں آنے والی اراضی کی ایکوزیشن کے معاوضہ کی ادائیگی کیلئے ایوارڈ کو حتمی شکل دیدی گئی ہے۔امکان ہے کہ اگلے چند دنوں میں اعلان کردیا جائے گا جبکہ اگلے ہفتےکے آخر تک ادائیگی شروع ہوجائے گی۔باخبر ذرائع کے مطابق رنگ روڈ میں گوجر خان کے آٹھ موضع جات کی تقریبا 740کنال زمین ایکوائر کی گئی ہے۔تعمیراتی ڈھانچوں اور اراضی کے معاوضوں کی ادائیگی کیلئےتقریبا340 ملین روپے ادا کئے جائیں گے۔38 اعشاریہ3 کلو میٹر کے رنگ روڈ ٹریک کی تعمیر کا کام جاری ہے۔ گوجرخان کے جن موضع جات میں زمین اکوائر کی گئی ہے ان میں بانٹھ،جھلری بائی خان، کلیام اعوان،ہردو جاگی،موہڑہ مہر بخش،قطب فیروز والا وغیرہ شامل ہیں۔ |
|
