| راولپنڈی (اپنے رپورٹرسے) سواں اڈا سے فروٹ منڈی روات تک نئے ٹرانسپورٹ روٹ کا افتتاح کردیا گیا۔ کمشنر آفس راولپنڈی میں افتتاحی تقریب سے خطاب کرتے ہوئے کمشنر راولپنڈی ڈویژن لیاقت علی چٹھہ نےکہا کہ چالیس برس سے زائد گزر گئے مگر راولپنڈی جیسے بڑے شہر کے پاس اپنی منڈی ابھی تک نہیں تھی۔ شہریوں کی اس اہم ضرورت کو مدنظر رکھتے ہوئے چار دن کے اندر روات کے قریب سبزی و فروٹ منڈی ساڑھے 6 ایکٹر پر قائم کی گئی اور ہر گزرتے دن کے ساتھ اس میں مزید بہتری لائی جارہی ہے۔مستقبل میں منڈی کو مزید وسیع بھی کیا جائے گا ۔ نئے روٹ پرپہلے مرحلے میں 20 گاڑیوں کو روٹ پرمٹ جاری کیا جائے گا۔ اسکے علاوہ میٹرو ٹریک کے ساتھ ساتھ فیڈر بسسز کا بھی آغاز کیا جارہاہے۔
|
|
