| کوئٹہ(پ ر)زرغون ویلفیئر ایسوسی ایشن کے بیان میں کہا گیا ہے کہ گزشتہ شب زرغون ہائوسنگ اسکیم سے دوسری بار ٹرانسفارمر چرا لیا گیا۔ اس بار پھر واردات کا وہی طریقہ اپنایا گیا جیسا پہلے تھا نامعلوم افراد ٹرانسفارمر کو اتار کر اس سے کوائل چرا کر لے گئے۔ بیان میں کہا گیا کہ پہلی چوری کی بابت تھانے میں رپورٹ درج کروائی گئی مگر پولیس نے کہا کہ متعلقہ محکمہ رپورٹ درج کروائے۔ جس پر کیسکو اور کیو ڈی اے میں خط و کتابت ہوئی اور دونوں محکمے ذمہ داری ایک دوسرے پر ڈالتے رہے جس پر ایف آئی آر درج نہ ہوسکی۔ بیان میں کہا گیا کہ محکموں کی غفلت کے باعث عوام کے پیسوں سے خریدا ہوا مہنگا ٹرانسفارمر دوبارہ چوری ہوگیا ۔ بیان میں حکومت سے مطالبہ کیا گیا کہ جہاں بجلی چوروں کے خلاف کریک ڈائون جاری ہے تو اس طرح کے واقعات کے خلاف بھی ایکشن لیا جائے اور دونوں واقعات کی انکوائری کروائی جائے |
|
