| اسلام آباد(مانیٹرنگ ڈیسک) نجی فضائی کمپنی ’ایئر سیال ‘ نے جدہ سے پاکستان کے لیے ٹکٹ کی قیمت 48ہزار روپے کرنے کی آفر دے دی۔ ڈیلی پاکستان گلوبل کے مطابق ایئرلائن کی طرف سے پوسٹ کی گئی اس آفر میں بتایا گیا ہے کہ سعودی عرب کے شہر جدہ سے پاکستان کے شہروں اسلام آباد، ملتان، لاہور اور سیالکوٹ کے لیے ٹکٹ کی قیمت باقی تمام ایئرلائنز سے کم کی جا رہی ہے۔
ایئرسیال کی ویب سائٹ پر بتایا گیا ہے کہ جدہ سے پاکستان کے ان شہروں کے لیے ون وے ٹکٹ 48ہزا روپے میں دیا جا رہا ہے۔ایئرسیال کی یہ آفر ان پاکستانیوں کے لیے یقینا انتہائی پرکشش ہو گی جو روزگار کے لیے سعودی عرب جاتے ہیں۔ واضح رہے کہ ایئرسیال جدہ کے علاوہ سعودی عرب کے دارالسلطنت ریاض اور دمام سے بھی پاکستان کے لیے آپریشنز شروع کر چکی ہے۔ |
|
