غیر قانونی کار شو رومز کیخلاف آپریشن جاری
11-8-2023
سلام آباد( نیو زرپورٹر) چیئرمین سی ڈی اے نور الامین مینگل کی ہدایت پر اسلام آباد کے مختلف سیکٹرز اور کاروباری مراکز میں بنائے گئے غیر قانونی کار شو رومز کے خلاف کارروائیاں جاری ہیں۔ جمعرات کے روز عملے نے G-8 مرکز میں 100 سے زائد غیر قانونی شو رومز کو سربمہر کردیا۔منگل کے روز سے شروع ہونے والے آپریشن میں اب تک مجموعی طور پر F-10 مرکز، F-11 مرکز، بلیو ایریا سمیت G-8 مرکز میں 130 سے زائد غیر قانونی شو رومز کو سربمہر کیا جا چکا ہے۔