|
ملتان (سٹاف رپورٹر) چیف ایگزیکٹیو آفیسر شاہد یعقوب کی ہدایت پر شہر اولیا کی صفائی کیلئے ویسٹ مینجمنٹ کمپنی نے گنجان آبادیوں میں خالی پلاٹوں اور فلتھ ڈپوز سے کوڑے کی منتقلی شروع کردی جب کہ شہر کے نواحی علاقوں میں صفائی کیلئے بھی خصوصی پلان تشکیل دیدیا گیا ہے، اس حوالے سے سینئر منیجر آپریشن فہیم لودھی اور منیجر آپریشن انوار الحق نے فیلڈ میں انسپکشن کی، سینئر منیجر آپریشن نے کہا کہ محرم الحرام کے سلسلہ میں امام بارگاہوں اور عبادت گاہوں کی دھلائی کا آغاز بھی کردیا گیا ہے جبکہ ماتمی جلوسوں کے روٹس پر کیمپس پر ہمہ وقت عملہ صفائی موجود رہیگا۔ |
|
