| اسلام آباد (اپنے نامہ نگار سے )لہتراڑ روڈ کے قریب برما نالہ (گمراہ کس ) میں مبینہ طور پر بڑی مقدار میں ماربل کا ویسٹ پھینکا جا رہا ہے مگر سی ڈی اے اور پاک ای پی اے کے ذمہ داراہلکار خاموش تماشائی بنے ہوئے ہیں ، اہل علاقہ کے مطابق اگر اسی طرح نالے میں ماربل کا ویسٹ میٹریل پھینکا جاتا رہا تو کسی وقت بھی نالہ بند ہو سکتا ہے جو علاقے میں سیلاب کی صورت میں تباہی کا باعث بن سکتا ہے ، اہل علاقہ خصوصاً لہتراڑ روڈ برما نالہ (گمراہ کس ) کےکے قریبی رہائشیوں نے چیئرمین سی ڈی اے اور ڈائریکٹر جنرل پاک ای پی اے سے مطالبہ کیا ہے کہ اس معاملے کا فوری نوٹس لیا جائے اور متعلقہ افسران کو موقع پر بھجوایا جائے تاکہ انہیں معلوم ہو سکے کہ کس قدر ماربل کا ویسٹ نالے میں جا رہا ہے جو نالے کی بندش کا سبب بن رہا ہے ۔
|
|
