|
اسلام آباد (نیوز رپورٹر) چیئرمین سی ڈی اے کی ہدایت پر جاری انسداد تجاوزات آپریشنز کی نگرانی ڈی جی انفورسمنٹ کر رہے ہیں۔ جمعہ کو آئی جے پی‘ جی ایٹ‘ ایف ایٹ‘ جی فائیو‘ ایف سکس‘ آئی نائن‘ جی نائن‘ جی ٹین‘ آئی ایٹ اور راول ٹاؤن سے غیر قانونی تعمیرات اور تجاوزات ختم کر کے سرکاری اراضی واگزار کروا لی گئی جبکہ 3ٹرک سامان ضبط کیا گیا۔ آئی جے پی سروس روڈ کیساتھ چھپر ہوٹل‘ ریت بجری اڈے اور جھگیاں مسمار کر دی گئیں۔ جی ایٹ میں گرین بیلٹ پر چھپر ہوٹل اور فروٹ سٹال ختم کرائے گئے۔ جی نائن‘ ٹین میں پلاٹ لائن سے باہر فنس اور دیواریں ختم کی گئیں۔ ایف ایٹ پارکنگ ایریا سے تجاوزات ہٹا کے ایک ٹرک سامان ضبط کیا گیا۔ سیکٹر جی فائیو نادرا چوک سے ایک ٹرک سامان ضبط کیا گیا‘ سیکٹر آئی ایٹ میں فٹ پاتھ اور پارکنگ ایریا سے تجاوزات ختم کر کے ایک ٹرک سامان ضبط کیا گیا۔ لہتراڑ روڈ سے تجاوزات ختم کر کے سڑک کو کھولدیا گیا |
|
