|
ملتان (سٹاف رپورٹر) چیف ایگزیکٹو آفیسر ویسٹ مینجمنٹ کمپنی شاہد یعقوب نے کہا ہے کہ شہر اولیاء کو عید الفطر کے موقع پر صاف ستھرا بنانے کا عزم کیا ہے اس سلسلے میں ویسٹ مینجمنٹ کمپنی کی تمام مشینری اور سٹاف فیلڈ میں بھیجنے کا فیصلہ کیا گیا ہے جبکہ عید گاہوں،قبرستانوں،پارکوں اور مزاروں پر خصوصی آپریشن کلین اپ شروع کردیا گیا ہے ان خیالات کا اظہار انہوں نے گزشتہ روز کمپنی افسران کے اجلاس کی صدارت کرتے ہوئے کیا۔ سینئر منیجر آپریشن فہیم لودھی نے صفائی مہم پر تفصیلی بریفنگ دی ،چیف ایگزیکٹو آفیسر ویسٹ مینجمنٹ کمپنی شاہد یعقوب نے کہا کہ عید الفطر پر تمام پارکوں اور عوامی مقامات پر خصوصی توجہ دی جائے ، شہری 1139پر صفائی کی شکایات درج کراسکتے ہیں ۔
|
|
