|
راولپنڈی (جنگ نیوز )پارکس اینڈ ہارٹیکلچر اتھارٹی راولپنڈی نے علامہ اقبال پارک مری روڈ کو لائٹس اور برقی قمقموں سے سجا دیاہے ، پارک میں سیکورٹی انتظامات کو بہتر بنانے کیلئے مزید سی سی ٹی وی کیمرے لگا دیئے گئے ہیں ، شہریوں کو تفریح کی سہولتوں میں اضافہ کیلئے جلد ہی موسمی پھولوں کی پنیری لگائی جائے گی جس کے بعد یہاں پر موسم بہار کے پھولوں کی نمائش کا انعقاد بھی کیا جائے گا ،ڈائریکٹر جنرل پی ایچ اے زینیہ ہمایوں نے گزشتہ روز پارک کے دورہ کے دوران عملہ کو ہدایات جاری کرتے ہوئے کہا کہ پارک کی سیکورٹی اورصفائی کے حوالے سے کوئی سمجھوتہ نہیں کیا جائے گا۔ |
|
