| راولپنڈی ( جنگ نیوز )ڈائریکٹر جنرل پارکس اینڈ ہارٹیکلچر اتھارٹی (پی ایچ اے)راولپنڈی زینیہ ہمایوں نے اچانک راول روڈپر راول پارک کا دورہ کیا ،صفائی اور سیکورٹی انتظامات کی صورتحال کا جائزہ لیا ، اس موقع پر انہوں نے پارک کے عملہ کو صفائی کی صورتحال مزید بہتر بنانے کی ہدایت کی ، ڈائریکٹر جنرل نے پارک میں لائٹس کا نظام بہتر بنانے کی ہدایات دیتے ہوئے کہا کہ شہریوں کی بہترین تفریح کی سہولیات کی فراہمی پی ایچ اے کی ذمہ داری ہے ، اس حوالے سے کسی قسم کی کوتاہی برداشت نہیں کی جائے گی ، انہوں نے عملہ کو ہدایت کی کہ پارکوں میں سیکورٹی کے انتظامات کو مزید بہتر بنائے جائیں ، ڈائریکٹر جنرل پی ایچ اے زینیہ ہمایوں نے پارکوں میں سیکورٹی کے انتظامات بہتر بنانے کیلئے مزید کیمرے لگانے کی بھی ہدایت کی ۔ |
|
