| راولپنڈی (سٹاف رپورٹر)اسلام آباد انٹرنیشنل ایئر پورٹ پر صفائی عملے کا احتجاج تیسرے روز بھی جاری رہا، سینکڑوں ملازمین اور خواتین کا اسلام آباد انٹرنیشنل ایئرپورٹ پر دھرنا جاری ہے ، سول ایوی ایشن حکام کی جانب سے ابھی تک کوئی بھی مذاکرات کامیا ب نہ ہو سکے، ایئر پورٹ پر صفائی کی ابتر صورتحال کے باعث مسافروں کو شدید مشکلات کا سامنا ہے، واش رومز، انٹرنیشنل اور ڈومیسٹک لائونچز میں گندگی اور کوڑا کرکٹ پڑا ہوا ہے، اطلاعات کے مطابق تین روز سے اسلام آباد انٹرنیشنل ایئر پورٹ پر صفائی عملے نے ٹھیکیدار کے ساتھ کام کرنے سے انکار کرتے ہوئے ہڑتال اور دھرنا دے رکھا ہے ، خواتین اور نوجوان تین روز سے ایئر پورٹ پر احتجاج کر رہے ہیں، سول ایوی ایشن کی جانب سے مذاکرات کا بتایا گیا لیکن تا حال ملازمین کا احتجاج ختم نہ کرایا جا سکا |
|
