|
اسلام آباد (نیوز رپورٹر) سی ڈی اے کے شعبہ انفورسمنٹ نے اسلام آباد کے مختلف علاقوں میں تجاوزات کے خلاف آپریشن کیا۔ آئی جے پی روڈ I-9 کے مقام پر روڈ کے ترقیاتی منصوبہ کی راہ میں حائل تجاوزات 10 دکانیں، 8 شیڈ اور 5 بیت الخلا اور سینکڑوں سبزی فروٹ کے سٹال گرا کر 5 ٹرک سامان ضبط کر لیا گیا۔ ایک اور کارروائی رات گئے سیکٹر I-10مرکز میں میں کی گئی اور مرکز کے باہر تجاوزات کی مد میں 75 تجاوزات کاونٹر ٹھیلے اور 89 دکانوں کے باہر اضافی شیڈ مسمار کر کے سیکٹر I-10 مرکز کو تجاوزات سے صاف کر 5 ٹرک سامان ضبط کر لیا گیا۔ سیکٹر G-9 میں بھی متعدد تھڑے گرا دیئے گئے ۔ دیگر علاقوں میں تجاوزات کیخلاف کارروائی کی گئی۔ |
|
