اورنج ٹرین کا ٹکٹنگ سافٹ وئیر 3روز سے خراب
1-2-2023
لاہور(اپنے نامہ نگار سے) اورنج ٹرین کا ٹکٹنگ سافٹ ویئر 3روز سے خراب ہے ۔اورنج ٹرین سٹیشنز پر لگی ٹکٹنگ مشین سروس معطلی کا نوٹس دے رہی ہے۔اورنج ٹرین سٹیشن پر مشین بند ہونے سے مسافروں کی لائنیں لگ گئیں۔ماس ٹرانزٹ اتھارٹی نے تکنیکی خرابی کا نوٹس لے لیا ہے۔اورنج ٹرین کنٹریکٹرز کا اجلاس ماس ٹرانزٹ آفس میں طلب کر لیا گیا۔ سافٹ ویئر میں تکنیکی خرابی آنے پر کنٹریکٹر سے استفسار کیا جائے گا۔