| اسلام آباد( نیوز رپورٹر )سی ڈی اے کے زیر اہتمام رہائشی اور کمرشل پلاٹوں کی نیلامی آج 24جنوری سے شروع ہوگی۔ یہ نیلامی تین دن جاری رہے گی جس سے اربوں روپے کا ریونیو متوقع ہے۔ ممبر فنانس سید مظہر حسین شاہ ‘ممبر اسٹیٹ مینجمنٹ عفنان عالم ‘ ممبر پلاننگ وسیم حیات با جوہ ‘ ڈی جی لا ء نعیم اکبر ڈار ‘ ڈائریکٹر بی سی ایس ناصر جمیل بٹ اور ڈائریکٹر اسٹیٹ مینجمنٹ پر مشتمل آ کشن کمیٹی تشکیل دی گئی ہے۔ نیلامی جناح کنونشن سنٹر اسلام آباد میں ہو گی۔ نیلامی میں سری نگر ہائی وے پر سیکٹر ایچ نائن کے سامنے پٹرول پمپ کا پلاٹ ‘ ایگرو فارمز کے پلاٹس ‘ بلیو ایریا کے پلاٹس ‘ مراکز کے پلاٹس ‘ کلاس تھری شاپنگ سنٹرز ‘ ای لیون ناردرن سٹرپ ‘ سول سائٹس ‘ ہوٹل پلاٹ اور پارک اینکلیو کے رہائشی پلاٹس فروخت کیلئے پیش کئے جا ئیںگے۔ |
|
